Tíminn áður er aftur: Íslenskt leyndardómur hryllingur (Blog 7) Dan Watt og Gunnhildur Guðbjornsdóttir (þýðingin getur tekið lengri tíma)

Skessuhorn er fjall í Borgarfirði, á vestur hluta landsins. Skessuhorn er um það bil 967 metrar á hæð og lítur út eins og aflangur píramídi, með þrepum eða stöllum.

Brynhildur starði í fjarskann, þegar rútan nálgaðist endastöðina í Borgarfirði. Hún dáðist að bröttum hlíðum Skessuhorns, hvernig fjallið myndaði aflangan píramída. Amma hennar bjó á gömlum sveitabæ við rætur fjallsins og á þeim hálftíma sem tók þær mæðgur að ganga að bænum velti hún því fyrir sér hvort eitthvað eða einhver í fortíðinni hefði grafið út stallana í fjallinu. Nútíma vélar myndu ráða við það, en í gamla daga voru varla til tæki til þess. Grasið var hátt í aflíðandi hlíðunum og hún fann hvernig hitastigið féll þegar hús ömmu birtist. Húsið var gamalt sveitabýli úr steini, framhliðin súkkulaðibrúnn viður. Þakið var grasivaxið og bratt, upp úr skorsteininum liðaðist reykur.Sitt hvoru megin við rauða útidyrahurð voru hvítir gluggar, með fjórum rúðum hvor. Búlduleitt andlit með ísbláum augum starði á þær gegnum annann gluggann. Hún var komin út, áður en mæðgurnar náðu að útidyrunum. Hún var í hvítri ullarpeysu með ljósbláu mynstri, bláum gallabuxum og strigaskóm. Hún var hærri en bæði Brynhildur og mamma hennar og faðmlag hennar var þétt og kraftmikið. Þegar inn var komið krafðist amma að þær mæðgur settust niður við eldhúsborðið úr birki a meðan hún hitaði vatn í te í yfir litlum eldi sem logaði í arninum. Brynhildi þótti vænt um gamaldags birkieldhúsborðið og stólana sem voru í kring. Einu trén sem voru upprunaleg á Íslandi, fyrir utan birki voru ösp og reynir. Þau voru þó svo sjaldgæf að þau voru einungis notuð í eldivið þegar þau dóu. Eftir að aðalbláberjeteið hafði verið drukkið, sá Brynhildur ömmu fara inn í herbergið sitt. Þegar hún kom út hélt hún á risastóru eggi, sem virtist vera búið til úr bláu og glæru efni, sem fléttaðist hvert inn í annað og myndaði mynstur. Það var svo stórt að amma þurfti að halda á því með báðum höndm. „Hvað er þetta amma?“ spurði Brynhildur, heilluð af fegurð eggsins. „Þetta er blátt kalkspat egg, Bryn,“ svaraði amma hennar og brosti dapurlega. „Þú þarft að finna helli tröllsins í miðjum hlíðum Skessuhorns.“

Gömlu tímarninr snúa aftur: Íslensk hryllingssaga (blogg 5) Dan Watt og Gunnhildur Gudbjornsdottir

Gömlu tímarninr snúa aftur: Íslensk hryllingssaga (blogg 5) Dan Watt og Gunnhildur Gudbjornsdottir

íslensk þýðing Eyjafjallajökull er eldfjall hulið jökli. Árið 2010 uppgvötaði Veðurstofa Íslands bergkviku undir jarðskorpunni sem fyllti kvikuhólf eldfjallsins og olli 3000 litlum jarðskjálftum og flóðum. Annað eldgos á stuttum tíma þeytti gosmekki og ösku fleiri kílómetra upp í loftið og truflaði flugumferð í Evrópu, þó það hafi ekki haft mikil áhrif á flug frá Íslandi.

Brynhildur gekk í þungum þönkum snemma morguns að hænsnakofanum með bakka undir egg. Hænsnakofinn stóð í brekku milli tveggja steindranga. Steindrangarnir voru báðir mosagrónir, sem leit út eins og hár á risavöxnu fólki. Á grasivöxnu þakinu stóð einn unghaninn. Það kom henni á óvart, því það voru tveir hænsnakofar, annar sem undaneldi og þessi, sem var ætlaður fyrir hænur sem verptu ófrjógvuðum eggjum. Hann leit út eins og hann væri að gæta hænsnanna, eða eitthvers annars. Hún talaði blíðlega til hænsnanna á meðan hún safnaði eggjunum áður en hún fór með þau inni í eldhús, þar sem móðir hennar var að baka pönnukökur. Brynhildur fylgdist með móður sinni strá sykri á hverja köku, áður en hún setti næsta lag ofan á. Ljóst hár móður hennar var tekið saman i hnút og hún var í bláum bómullarbol og bláum gallabuxum Brynhildur flissaði yfir því sem var skrifað aftan á bol móður hennar. ÁFRAM MEÐ SMJÖRIÐ! Móðir hennar sneri sér við og brosti. Brynhildur skoðaði andlit hennar, sem var svo líkt hennar eigin. Augu móður hennar voru ísblá og ekki vottaði fyrir grænu í þeim. Þegar hún brosti voru augntennur hennar langar og áberandi. Hún líktist svo sannarlega meira móður sinni en föður. Brynhildur setti bakkann með eggjunum inn í ísskáp sem stóð næst dyrunum inn í stofu og spurði, „heldur þú að það sé eitthvað til í sögum ömmu og afa um Grýlu, sem borðar óþekku börnin.Kannski var einhver hræðileg kona á Íslandi sem gerði það í alvörunni í gamla daga?“ „Miðað við hvað þú hlustar sjaldan á okkur pabba þinn, kemur það mér á óvart að hún skuli ekki hafa étið þig fyrir löngu. Faðir þinn sagði mér frá hellinum, Bryn,“ sagði móðir hennar ástúðlega en alvarlega. „Þú ert einkabarn okkar og þegar þú giftir þig, munt þú taka við búinu, ásamt manni þínum. Það er mikilvægt að þú haldir við hefðinni, þó þú sjáir hvorki né heyrir það sem þar faðir þinn gerir í hellinum. Hann fór að tala við Jöðurr bóksala í dag. Svo við tvær ætlum að heimsækja langömmu við Skessuhorn. Hún er með eitthvað fyrir þig.“ Móðir hennar starði út um eldhúsgluggann, úr toppi Eyjafjallajökuls kom reykur. „Hlutirnir eru að breytast Bryn og ég þarf að fara með íg á Skessuhorn til að sanna að það sé ekki bara faðir þinn sem er bilaður.“

Gömlu tímarninr snúa aftur: Íslensk hryllingssaga (blogg 4) Dan Watt og Gunnhildur Gudbjornsdottir (íslensk þýðing)

Gömlu tímarninr snúa aftur: Íslensk hryllingssaga (blogg 4) Dan Watt og Gunnhildur Gudbjornsdottir (íslensk þýðing)

Tröllin Berþór og Hrefna bjuggu í Bláhvammi við Bláfjall. Hrefnu líkaði ekki nýju kirkjurnar og flutti að rótum Langjökuls. Bergþóri var sama um kirkjurnar og bjó áfram í Bláhvammi inni í helli.Hjónin hittust stöku sinnum, þar sem bæði veiddu silung í Hvítárvatni. A Traveller’s Guide to Icelandic Folk Tales by Jón R. Hjálmarsson.

 

Brynhildi langaði að spyrja föður sinn um hið grannvaxna huldufólk og veiku stúlkuna, en hún vissi að hann hélt að hún gæti hvorki séð þau né heyrt. „Ég veit að þú heldur að pabbi þinn sé bilaður að tala við ósýnilegt fólk, en gerðu það ekki segja neinum frá því“ sagði faðir hennar þegar þau gengu til baka að bílnum í ljósri júlínóttunni, sem verður aldrei meira en rökkvuð. „ En þú ert meira mamma þín en pabbi gamli, svo mér mun aldrei takast að sannfæra þig um að ég sé ekki svolítið klikkaður“ „Ég skal ekki segja neinum að þú sért að tapa vitinu“ sagði hún og reyndi að hljóma kaldhæðin, en án sannfæringar. “Eru einhverjar þjóðsagnaverur sem ég get séð?“ Spurði hún þvi hún var enn að hugsa um stúlkuna undir teppinu. „Já. Íslendingar fæddir með blá augu og mikinn líkamlegan styrk eru taldir vera komnir af tröllum, sem hafa eignast afkvæmi með mannfólki“. „Erum við mamma skyldar Grýlu og Leppalúða?“ rödd hennar skræk af geðshræringu. „Nei, nei, ekki frekar en þú eignist þrettán syni sem valda óskunda um jólaleytið“ sagði faðir hennar um leið og hann opnaði farþegadyrnar fyrir hana „Guði sé lof, ég myndi ekki vilja að mamma æti þig einn daginn“ Faðir hennar leit á hana með glettni í svipnum. Andlit hans varð alvarlegt þegar hann starði djúpt í augu hennar. „Það vottar aðeins fyrir grænum lit í kringum augasteininn á þér“ Hann varð þögull og hugsi á svip. „Hverjum er ég þá skyld?“ Spurði hún, er þau óku eftir þjóðvegi eitt að býli þeirra í Ásólfsskála. Í rökkrinu sá hún móta fyrir trjálausum hæðunum. „Kannski afkomendur Bergþórs og Hrefnu frá Bláfelli. Bergþór var alltaf góður við mannfólkið, sem á annað borð lét hann í friði. Eða Kráku frá Bláhvammi.“ „Kráka“ kallaði Brynhildur. „þarf ég að fanga mann, neyða hann til að elska mig, meðan ég smyr hann í olíu og breyta honum í tröll eins og mig?“ Faðir hennar leit í áttina til hennar og yppti öxlum. „Hvernig heldur þú að mamma þín hafi náð í mig?“

Tíminn fyrir er kominn aftur: Íslenskur dularfulla hryllingur frá Gunnhildi Guðbjörnsdóttur og Dan Watt (blogg 2)

Blogg 2 Drangurinn er staður, þar sem talið er að íslenskir bændur hafi farið með kálffullar kýr til burðar undir vökulu augnaráði huldufólks. Íslenska kýrin getur verið í sex mismunandi litum og er talin hafa komið til landsins fyrir um þúsund árum. Brynhildur klappaði kviðinn á Dagbjörtu, meðan hún leiddi hana niður rampinn á Artic Trucks rafmagnsbílnum. Hún hélt lauslega í tauminn á kúnni og elti föður sinn að Drangnum. Í fölnandi birtunni glitti aðeins í rauðbröndótta lit kápunnar hennar. „Flýttu þér Brynhildur“ sagði pabbi hennar í svalri júlínóttunni. „Við þurfum að koma henni að Drangum áður en rökkrið skellur á“ Pabbi hennar var ekki jafn hávaxinn og margir íslenskir karlmenn, svo dóttir hans efaðist um að hann væri skyldur Skessunni á Arnavatnsheiði, en kannski rann blóð hins fíngerðara huldufólks í æðum hans, sem gæti einmitt útksýrt það nafn sem foreldrar hans höfðu gefið honum: Búi. Brynhildur var nú þegar hærri en hann og þreknari, eins og mamma hennar. „Hvers vegna komum við alltaf með Dagbjörtu og aðrar kálffullar kýr hingað? Og skiljum þær eftir? Er það ekki hættulegt?“ spurði hún fyrir framan risavaxinn hamarinn sem gnæfði yfir þeim. Til hliðanna rétt sá hún glitta í Hrútafell og hluta Eyjafjalla. Hann strauk löngum grönnum fingrum sínum í gegnum ljóst, úfið hárið og sagði „Ég er ekki viss um að þú sért tilbúin að vita það“ Þótt augu hennar væru ísblá eins og móður hennar, hafði hún erft ljóst hár föður síns. Það var sítt og hún lét það falla í óstýrlátum lokkum á meðan hún hjálpaði föður sínum á bænum. En hún hafði ekki erft fíngerða líkamsbyggingu hans, né langa útlimi og fingur. Hún var há og sterklega vaxin. Líkari norskum forfeðum sínum, en breskum. En henni fannst líka að Íslendingar skæru sig úr frá öðrum Evrópubúum. Henni hafði alltaf fundist blóð Íslendinga bundið landinu sjálfu. Þau nálguðust innganginn að hellinum. „Ég er nógu gömul“ sagði hún og lyfti hökunni. Faðir hennar stundi og opnaði tvöfalda timburhliðið fyrir innganginum að hellinum. „Huldufólkið mun vaka yfir Dagbjörtu og auðvelda henni burðinn.“ „Huldufólk! Álfar?!“ nánast hrópaði Brynhildur spyrjandi. „Kallaðu þau sínu rétta nafni Brynhildur!“ sagði faðir hennar áminnandi. Brynhildur var í þann veginn að hlæja vantrúa, þegar hún skyndilega heyrði hávaða koma innan úr hellinum