Tíminn áður er aftur: Íslenskt leyndardómur hryllingur (Blog 6) Dan Watt og Gunnhildur Guðbjornsdóttir (þýðingin getur tekið lengri tíma)

The Time Before Is Again: An Icelandic mystery-horror (Blog 6) Dan Watt and Gunnhildur Gudbjornsdottir (the Icelandic translation may take longer)

Jöklar Íslands hopa um metra á ári hverju, rétt eins og í Kanada, Rússlandi og annarsstaðar í heiminum. Það sem mun koma í ljós við bráðun þeirra gæti verið áhugavert, svo sem útdauðar verur, fornir munir og sjúkdómar.

Brynhildur teygði úr handleggjunum á leið hennar með móður sinni að rútustöðinni. Það var hlýtt, 14 gráður, og hún var einungis í skærbláum físjakka sem hún hafði frárenndan utanyfir bláum stuttermabol með áletruninni: „Betra er autt rúm en illa skipað“. Bláu gallabuxurnar voru aðeins slitnar yfir hnén, en þetta voru bestu buxurnar og hún var að fara að hitta ömmu. Fólk kinkaði kolli til þeirra, er þær gengu framhjá, en enginn nam staðar til að spjalla. Andlitstillit móður hennar var vingjarnlegt en strangt. Ákveðið augnaráðið varð til þess að ísblá augunun glömpuðu í sólinni. Þær greiddu fyrir farmiða á stöðinni og klifu um borð í vetnisknúinn tveggja hæða Hop-Off-Hop-On vagninn. „Sestu í gluggasætið“ bað móðir hennar „ég útskýri á leiðinni.“ Á leiðinni að Skessuhorni horfði Brynhildur á hæðir, ár og stöðuvötn þjóta hjá. Móðir hennar sagði frá fólkinu á Íslandi með sinni tónfögru röddu. Forfeður mínir komu frá Noregi og það er þeim sem þú líkist. Þeir settust að í þorpum á Írlandi og í Skotlandi. Til að byrja með gerðu þeir Skota og Íra að þrælum, en stofuðu síðar fjölskyldur með þeim. Faðir þinn líkist Skotunum og Írunum. Þessi blandaði hópur kom til Íslands í kringum 930. En annað slagið koma upp rökræður um innfædda Íslendinga sem fáir þekkja og trúa á. Risar, tröll, skessur, álfar og huldufólk; fólkið úr sjónum selafólkið. Sagan segir að tröllin og skessurnar hafi fangað og blandast fólki af norrænum uppruna, á meðan huldufólkið og afar sjaldan selafólkið, þeim af írskum og skoskum uppruna. En núna er heimsmyndin að breytast. Jöklarnir bráðna og höfin hitna, það sem liggur í dvala grafið undir ísnum kemur í ljós og vaknar enn á ný!

Gömlu tímarninr snúa aftur: Íslensk hryllingssaga (blogg 5) Dan Watt og Gunnhildur Gudbjornsdottir

Gömlu tímarninr snúa aftur: Íslensk hryllingssaga (blogg 5) Dan Watt og Gunnhildur Gudbjornsdottir

íslensk þýðing Eyjafjallajökull er eldfjall hulið jökli. Árið 2010 uppgvötaði Veðurstofa Íslands bergkviku undir jarðskorpunni sem fyllti kvikuhólf eldfjallsins og olli 3000 litlum jarðskjálftum og flóðum. Annað eldgos á stuttum tíma þeytti gosmekki og ösku fleiri kílómetra upp í loftið og truflaði flugumferð í Evrópu, þó það hafi ekki haft mikil áhrif á flug frá Íslandi.

Brynhildur gekk í þungum þönkum snemma morguns að hænsnakofanum með bakka undir egg. Hænsnakofinn stóð í brekku milli tveggja steindranga. Steindrangarnir voru báðir mosagrónir, sem leit út eins og hár á risavöxnu fólki. Á grasivöxnu þakinu stóð einn unghaninn. Það kom henni á óvart, því það voru tveir hænsnakofar, annar sem undaneldi og þessi, sem var ætlaður fyrir hænur sem verptu ófrjógvuðum eggjum. Hann leit út eins og hann væri að gæta hænsnanna, eða eitthvers annars. Hún talaði blíðlega til hænsnanna á meðan hún safnaði eggjunum áður en hún fór með þau inni í eldhús, þar sem móðir hennar var að baka pönnukökur. Brynhildur fylgdist með móður sinni strá sykri á hverja köku, áður en hún setti næsta lag ofan á. Ljóst hár móður hennar var tekið saman i hnút og hún var í bláum bómullarbol og bláum gallabuxum Brynhildur flissaði yfir því sem var skrifað aftan á bol móður hennar. ÁFRAM MEÐ SMJÖRIÐ! Móðir hennar sneri sér við og brosti. Brynhildur skoðaði andlit hennar, sem var svo líkt hennar eigin. Augu móður hennar voru ísblá og ekki vottaði fyrir grænu í þeim. Þegar hún brosti voru augntennur hennar langar og áberandi. Hún líktist svo sannarlega meira móður sinni en föður. Brynhildur setti bakkann með eggjunum inn í ísskáp sem stóð næst dyrunum inn í stofu og spurði, „heldur þú að það sé eitthvað til í sögum ömmu og afa um Grýlu, sem borðar óþekku börnin.Kannski var einhver hræðileg kona á Íslandi sem gerði það í alvörunni í gamla daga?“ „Miðað við hvað þú hlustar sjaldan á okkur pabba þinn, kemur það mér á óvart að hún skuli ekki hafa étið þig fyrir löngu. Faðir þinn sagði mér frá hellinum, Bryn,“ sagði móðir hennar ástúðlega en alvarlega. „Þú ert einkabarn okkar og þegar þú giftir þig, munt þú taka við búinu, ásamt manni þínum. Það er mikilvægt að þú haldir við hefðinni, þó þú sjáir hvorki né heyrir það sem þar faðir þinn gerir í hellinum. Hann fór að tala við Jöðurr bóksala í dag. Svo við tvær ætlum að heimsækja langömmu við Skessuhorn. Hún er með eitthvað fyrir þig.“ Móðir hennar starði út um eldhúsgluggann, úr toppi Eyjafjallajökuls kom reykur. „Hlutirnir eru að breytast Bryn og ég þarf að fara með íg á Skessuhorn til að sanna að það sé ekki bara faðir þinn sem er bilaður.“

Tíminn fyrir er kominn aftur: Íslenskur dularfulla hryllingur frá Gunnhildi Guðbjörnsdóttur og Dan Watt (blogg 2)

Blogg 2 Drangurinn er staður, þar sem talið er að íslenskir bændur hafi farið með kálffullar kýr til burðar undir vökulu augnaráði huldufólks. Íslenska kýrin getur verið í sex mismunandi litum og er talin hafa komið til landsins fyrir um þúsund árum. Brynhildur klappaði kviðinn á Dagbjörtu, meðan hún leiddi hana niður rampinn á Artic Trucks rafmagnsbílnum. Hún hélt lauslega í tauminn á kúnni og elti föður sinn að Drangnum. Í fölnandi birtunni glitti aðeins í rauðbröndótta lit kápunnar hennar. „Flýttu þér Brynhildur“ sagði pabbi hennar í svalri júlínóttunni. „Við þurfum að koma henni að Drangum áður en rökkrið skellur á“ Pabbi hennar var ekki jafn hávaxinn og margir íslenskir karlmenn, svo dóttir hans efaðist um að hann væri skyldur Skessunni á Arnavatnsheiði, en kannski rann blóð hins fíngerðara huldufólks í æðum hans, sem gæti einmitt útksýrt það nafn sem foreldrar hans höfðu gefið honum: Búi. Brynhildur var nú þegar hærri en hann og þreknari, eins og mamma hennar. „Hvers vegna komum við alltaf með Dagbjörtu og aðrar kálffullar kýr hingað? Og skiljum þær eftir? Er það ekki hættulegt?“ spurði hún fyrir framan risavaxinn hamarinn sem gnæfði yfir þeim. Til hliðanna rétt sá hún glitta í Hrútafell og hluta Eyjafjalla. Hann strauk löngum grönnum fingrum sínum í gegnum ljóst, úfið hárið og sagði „Ég er ekki viss um að þú sért tilbúin að vita það“ Þótt augu hennar væru ísblá eins og móður hennar, hafði hún erft ljóst hár föður síns. Það var sítt og hún lét það falla í óstýrlátum lokkum á meðan hún hjálpaði föður sínum á bænum. En hún hafði ekki erft fíngerða líkamsbyggingu hans, né langa útlimi og fingur. Hún var há og sterklega vaxin. Líkari norskum forfeðum sínum, en breskum. En henni fannst líka að Íslendingar skæru sig úr frá öðrum Evrópubúum. Henni hafði alltaf fundist blóð Íslendinga bundið landinu sjálfu. Þau nálguðust innganginn að hellinum. „Ég er nógu gömul“ sagði hún og lyfti hökunni. Faðir hennar stundi og opnaði tvöfalda timburhliðið fyrir innganginum að hellinum. „Huldufólkið mun vaka yfir Dagbjörtu og auðvelda henni burðinn.“ „Huldufólk! Álfar?!“ nánast hrópaði Brynhildur spyrjandi. „Kallaðu þau sínu rétta nafni Brynhildur!“ sagði faðir hennar áminnandi. Brynhildur var í þann veginn að hlæja vantrúa, þegar hún skyndilega heyrði hávaða koma innan úr hellinum